ಎರಡು ಪೃಥ್ವಿ-II ಕ್ಷಿಪಣಿಯನ್ನು ಯಶಸ್ವಿ ಉಡಾವಣೆ ಮಾಡಿದ ಭಾರತ | Janata news
874
ಚಂಡಿಪುರ : ಒಡಿಶಾ ಕರಾವಳಿಯಲ್ಲಿ ನಿನ್ನೆ ರಾತ್ರಿಯ ವೇಳೆ ಭಾರತ ಎರಡು ಪೃಥ್ವಿ ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಯಶಸ್ವಿಯಾಗಿ ಉಡಾಯಿಸಿ ಪರೀಕ್ಷಾ ದಾಳಿಯನ್ನು ನಡೆಸಿದೆ. 300 ಕಿ.ಮೀ ವ್ಯಾಪ್ತಿಯ ಕ್ಷಿಪಣಿಗಳ ಪ್ರಯೋಗಗಳನ್ನು ಸ್ಟ್ರಾಟೆಜಿಕ್ ಫೋರ್ಸ್ ಕಮಾಂಡ್ ನಡೆಸಿತು.
ಒಡಿಶಾದ ಚಂಡಿಪುರದಲ್ಲಿ ಪರೀಕ್ಷಾ ವ್ಯಾಪ್ತಿಯಿಂದ ಸ್ವದೇಶಿ ನಿರ್ಮಿತ ಪರಮಾಣು-ಸಾಮರ್ಥ್ಯದ ಎರಡು ಪೃಥ್ವಿ-II ಕ್ಷಿಪಣಿಯನ್ನು ಪರೀಕ್ಷಾರ್ಥ ಉಡಾವಣೆ ಮಾಡಲಾಗಿದೆ.
ಬಳಕೆದಾರರ ಪ್ರಯೋಗದ ಭಾಗವಾಗಿ ಭಾರತೀಯ ಸೇನೆಯಿಂದ ಈ ಮಧ್ಯಮ ಶ್ರೇಣಿಯ ಮೇಲ್ಮೈ-ಯಿಂದ-ಮೇಲ್ಮೈಗೆ ಚಿಮ್ಮುವ ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಸಾಲ್ವೊ ಮೋಡ್‌ನಲ್ಲಿ ಪರೀಕ್ಷಿಸಲಾಯಿತು. ಇಂಟಿಗ್ರೇಟೆಡ್ ಟೆಸ್ಟ್ ಶ್ರೇಣಿಯಲ್ಲಿನ ಮೊಬೈಲ್ ಲಾಂಚರ್‌ನಿಂದ ಪ್ರಯೋಗ ಉಡಾವಣೆಯನ್ನು ನಡೆಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ಕ್ಷಿಪಣಿ 350 ಕಿ.ಮೀ.ನ ಸ್ಟ್ರೈಕ್ ಶ್ರೇಣಿಯನ್ನು ಹೊಂದಿದೆ ಮತ್ತು 500ಕೆಜಿ ಯಿಂದ 1,000ಕೆಜಿ ಸಿಡಿತಲೆಗಳನ್ನು ಸಾಗಿಸುವ ಸಾಮರ್ಥ್ಯ ಹೊಂದಿದೆ ಮತ್ತು ಲಿಕ್ವಿಡ್-ಪ್ರೊಪಲ್ಷನ್ ನ ಅವಳಿ ಎಂಜಿನ್‌ಗಳಿಂದ ಚಿಮ್ಮಲ್ಪಡುತ್ತದೆ.
