ಹನಿಟ್ರ್ಯಾಪ್: ಕರ್ನಾಟಕದ 5 MLAಗಳು ಹನಿಟ್ರ್ಯಾಪ್, ಶಾಸಕರ ವಿಕ್ನೇಸ್‌ ಅವರ ಬಂಡವಾಳ! | Janata news
541
ಬೆಂಗಳೂರು : ಬಿಜೆಪಿಯ ಮಾಜಿ ಸಚಿವ, ಹಾಲಿ ಶಾಸಕರ ಹನಿಟ್ರ್ಯಾಪ್ ಪ್ರಕರಣ ಕ್ಷಣದಿಂದ ಕ್ಷಣಕ್ಕೆ ರೋಚಕ ತಿರುವು ಪಡೆದುಕೊಳ್ಳುತ್ತಿದೆ. ಕರ್ನಾಟಕದ ಶಾಸಕರ ವಿಕ್ನೇಸ್‌ ಅನ್ನೇ ಬಂಡವಾಳ ಮಾಡಿಕೊಂಡು ಈ ಕೃತ್ಯವೆಸಗಲಾಗ್ತಿತ್ತು ಎಂದು ತಿಳಿದುಬಂದಿದೆ. ಸದ್ಯ ಬಂಧಿತರಿಂದ ಐದು ಶಾಸಕರ ರಾಸಲೀಲೆಯ ಪೆನ್ ಡ್ರೈವ್‌ ಅನ್ನು ಸಿಸಿಬಿ ವಶಕ್ಕೆ ಪಡೆದಿದೆ.
ತನ್ನ ಪ್ರೇಯಸಿಯನ್ನ ಬಳಸಿಕೊಂಡು ಹನಿ ಟ್ರ್ಯಾಪ್ ಮಾಡ್ತಿದ್ದವನನ್ನು ಸಿಸಿಬಿ ಪೊಲೀಸರು ಇಂದು ಬಂಧಿಸಿದ್ದಾರೆ. ರಾಘವೇಂದ್ರ ಅಲಿಯಾಸ ರಘು ಹಾಗೂ ಆತನ ಪ್ರೇಯಸಿ ಬಂಧಿತ ಆರೋಪಿಗಳು.
ಘಟನೆ -
ಟ್ರ್ಯಾಪರ್ಸ್ ಬ್ಲಾಕ್ಮೇಲ್‌ಗೆ ಹೆದರಿ, ಗದಗ ಜಿಲ್ಲೆ ರೋಣಾ ಕ್ಷೇತ್ರದ ಶಾಸಕ ಕಳಕಪ್ಪ ಬಂಡಿ ದೂರು ನೀಡಿದವರು. ಬಂಧಿತ ಆರೋಪಿ ರಾಘವೇಂದ್ರ ಮತ್ತು ಆತನ ಲವ್ವರ್ ಬೆಂಗಳೂರಿನಿಂದ ಕರೆ ಮಾಡಿ, ಬ್ಲಾಕ್ ಮೇಲ್ ಮಾಡ್ತಿದ್ದರು. ನಿಮ್ಮ ಸಿಡಿ ನಮ್ಮ ಬಳಿ ಇದೆ ಅಂತಾ ಶಾಸಕ ಕಳಕಪ್ಪರಿಗೆ ಬ್ಲ್ಯಾಕ್ ಮೇಲ್ ಮಾಡಿದ್ದರು ಎನ್ನಲಾಗಿದೆ. ಬ್ಲ್ಯಾಕ್ ಮೇಲ್‌ಗೆ ಬೇಸತ್ತು ಶಾಸಕರು,ಹನಿ ಟ್ರ್ಯಾಪ್ ಜಾಲದಲ್ಲಿ ನನ್ನನ್ನು ಸಿಲುಕಿಸಿ ಹಣಕ್ಕೆ ಬೇಡಿಕೆ ಇಟ್ಟಿದ್ದಾರೆ. ಹಣ ಕೊಟ್ಟಿಲ್ಲ ಅಂದ್ರೆ ನನ್ನ ಮಾನ ಹರಾಜು ಮಾಡುವುದಾಗಿ ಬೆದರಿಕೆ ಒಡ್ಡಿದ್ದಾರೆ ಎಂದು ಆರೋಪಿಸಿ,ಕಳೆದ 23ರಂದು ಸೈಬರ್ ಠಾಣೆಗೆ ದೂರು ನೀಡಿದ್ದರು.
ಸಿಸಿಬಿ ತನಿಖೆ ವೇಳೆ, ಆರೋಪಿಗಳು ಬರೋಬ್ಬರಿ 5 ಶಾಸಕರಿಗೆ ಖೆಡ್ಡ ತೋಡಿದ್ದರು, ಶಾಸಕರ ವೀಕ್ನೆಸ್ ಅನ್ನೇ ಬಳಸಿಕೊಂಡು ಕೋಟಿ ಕೋಟಿ ಹಣ ಹೊಡೆಯಲು ಸಂಚು ಮಾಡಿದ್ದರು ಎಂಬ ಮಹತ್ವದ ಅಂಶ ಬಯಲಾಗಿದೆ. ಅಲ್ಲದೇ ದೊಡ್ಡ ದೊಡ್ಡ ಉದ್ಯಮಿಗಳು ಕೂಡ ಇವರ ಬಲೆಗೆ ಬಿದ್ದಿರುವುದು ಗೊತ್ತಾಗಿದೆ.
ರಾಘವೇಂದ್ರನ ಗೆಳತಿಯದ್ದು ಹೈದರಾಬಾದ್ ಮೂಲದ ಮುಸ್ಲಿಂ ಯುವಕನೊಂದಿಗೆ ಮದುವೆಯಾಗಿತ್ತು. ಇಬ್ಬರ ನಡುವೆ ಮನಸ್ತಾಪ ಉಂಟಾಗಿದ್ದರಿಂದ ಗಂಡನನ್ನು ತೊರೆದು ಬೆಂಗಳೂರು ಸೇರಿದ್ದಳು. ಇಲ್ಲಿಯೇ ಪರಿಚಯವಾದವನೇ ಮೇಕಪ್ ಆರ್ಟಿಸ್ಟ್ ರಾಘವೇಂದ್ರ. ಈಕೆಯ ಮೂಲಕವೇ ಇಬ್ಬರು ಶಾಸಕರು ಸೇರಿದಂತೆ 10 ಜನರನ್ನು ಹನಿಟ್ರ್ಯಾಪ್ ಬಲೆಯಲ್ಲಿ ಸಿಲುಕಿಸಿದ್ದನು.
ಕಾಲೇಜು ಯುವತಿಯರ ಹೆಸರಿನಲ್ಲಿ ಹುಡುಗಿಯನರನ್ನು ರಘು ತಯಾರು ಮಾಡುತ್ತಿದ್ದನು. ಇದೇ ಯುವತಿಯರು ಶಾಸಕ ಬಳಿ ತೆರಳಿ ಅಧ್ಯಯನ ಮಾಡುತ್ತಿದ್ದೇವೆ. ವಾಸ್ತವ್ಯಕ್ಕೆ ಸ್ಥಳ ಬೇಕೆಂದು ಮನವಿ ಮಾಡಿಕೊಳ್ಳುತ್ತಿದ್ದರು. ಶಾಸಕರಿಗೆ ಹುಡುಗಿಯರ ನಂಬರ್ ಕೊಡಿಸಿ ಪರಿಚಯ ಸಹ ಮಾಡಿಸುತ್ತಿದ್ದನು. ಇತ್ತ ಶಾಸಕರ ನಂಬರ್ ಪಡೆದ ಯುವತಿಯರು ಪದೇ ಪದೇ ಕಾಲ್ ಮಾಡಿ ಬಣ್ಣದ ಮಾತುಗಳಿಂದ ತಮ್ಮ ಮೋಡಿಯ ವ್ಯೂಹದಲ್ಲಿ ಸಿಲುಕಿಸಿಕೊಳ್ಳುತ್ತಿದ್ದರು.ಶಾಸಕರು ತಮ್ಮ ಮೋಡಿಗೆ ಸಿಲುಕುತ್ತಿದ್ದಂತೆ ಐಷಾರಾಮಿ ಹೋಟೆಲ್ ಗಳಲ್ಲಿ ರೂಮ್ ಬುಕ್ ಮಾಡುತ್ತಿದ್ದರು. ಈ ವೇಳೆ ತಿಳಿಯದಂತೆ ಖಾಸಗಿ ದೃಶ್ಯಗಳನ್ನು ಸೆರೆ ಹಿಡಿದುಕೊಂಡು ಹಣಕ್ಕಾಗಿ ಬ್ಲ್ಯಾಕ್ ಮೇಲ್ ಮಾಡುತ್ತಿದ್ದರು.
