ಪಾಕಿಸ್ತಾನಿ ಮುಸ್ಲಿಂ ಮಹಿಳೆ ಭಾರತೀಯ ಪೌರತ್ವ ನೀಡಿದ ಗೃಹ ಸಚಿವಾಲಯ | Janata news
ಪೂಂಚ್ : ಪೌರತ್ವ ಕಾಯ್ದೆ ಮಸೂದೆಯಲ್ಲಿ ಮುಸಲ್ಮಾನರಿಗೆ ಅನ್ಯಾಯವಾಗಿದೆ ಎಂದು ವಿಪಕ್ಷಗಳು ಪ್ರತಿಭಟನೆ ನಡೆಸುತ್ತಿರುವ ಸಂದರ್ಭದಲ್ಲಿ ಪಾಕಿಸ್ತಾನಿ ಮುಸ್ಲಿಂ ಮಹಿಳೆಗೆ ಭಾರತೀಯ ಪೌರತ್ವ ನೀಡಿ ಭಾರತದ ಗೃಹ ಸಚಿವಾಲಯ ಆದೇಶ ಹೊರಡಿಸಿದ ಆಶ್ಚರ್ಯಕರ ಬೆಳವಣಿಗೆ ನಡೆದಿದೆ.
ಜಮ್ಮು ಮತ್ತು ಕಾಶ್ಮೀರದ ಕೇಂದ್ರಾಡಳಿತ ಪ್ರದೇಶದ ಪೂಂಚ್ ಜಿಲ್ಲೆಯಲ್ಲಿ ನೆಲೆಸಿರುವ ಪಾಕಿಸ್ತಾನದ ಪಂಜಾಬ್ ಪ್ರಾಂತ್ಯದ ಅಟಾಕ್ ಮೂಲದ ಪಾಕಿಸ್ತಾನಿ ಮಹಿಳೆ ಖತಿಜಾ ಪರ್ವೀನ್ ಅವರಿಗೆ ಗೃಹ ಸಚಿವಾಲಯವು ಇಂದು ಭಾರತೀಯ ಪೌರತ್ವವನ್ನು ನೀಡಿದ್ದು ಗಮನ ಸೆಳೆದಿದೆ.
ಪಾಕಿಸ್ಥಾನದ ಪ್ರಜೆಯಾದ ಖತಿಜಾ ಪರ್ವೀನ್ ಭಾರತೀಯ ಪೌರತ್ವಕ್ಕೆ 2000 ರಲ್ಲಿ ಅರ್ಜಿ ಸಲ್ಲಿಸಿದ್ದರು. ಹಾಗೂ ಈ ಕುರಿತು ವರ್ಷಗಟ್ಟಲೆ ನವದೆಹಲಿಗೆ ಅಲೆದಿದ್ದರು ಎಂದು ಹೇಳಿಕೊಂಡಿದ್ದು, ಕೊನೆಗೂ ತಮಗೆ ಪೌರತ್ವ ನೀಡಿದಕ್ಕೆ ಅವರು ಭಾರತ ಸರ್ಕಾರಕ್ಕೆ ಧನ್ಯವಾದಗಳನ್ನು ಹೇಳಿದ್ದಾರೆ.