ಅಪರಿಚಿತ ವ್ಯಕ್ತಿಯಿಂದ ಸಬ್‌ಇನ್ಸ್‌ಪೆಕ್ಟರಿಗೆ ಅಪರಿಚಿತ ಕರೆ, ಲೈಂಗಿಕ ಕಿರುಕುಳ! | Janata news
662
ಬೆಂಗಳೂರು : ಮಹಿಳಾ ಪೊಲೀಸ್ ಸಬ್ ಇನ್ಸ್ ಪೆಕ್ಟರ್ ಹಿಂದೆ ಅಪರಿಚಿತ ಕಾಮುಕನೊಬ್ಬ ಹಿಂದಬಿದ್ದು ಮಾನಸಿಕ ಹಿಂಸೆ ನೀಡಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.
ರಾಜಧಾನಿಯ ಪೊಲೀಸ್ ಠಾಣೆಯಲ್ಲಿ ಪಿಎಸ್ಐ ಆಗಿ ಕಾರ್ಯನಿರ್ವಹಿಸುತ್ತಿರುವ ಮಹಿಳಾ ಪೊಲೀಸ್ ಸಬ್ ಇನ್ಸ್ ಪೆಕ್ಟರ್ ರಿಗೆ ಜ.7 ರ ರಾತ್ರಿ ಅಪರಿಚಿತ ವ್ಯಕ್ತಿಯೊಬ್ಬ ವಾಟ್ಸ್ಆ್ಯಪ್ ಮೂಲಕ ಅಶ್ಲೀಲ ಚಿತ್ರಗಳನ್ನು ಕಳುಹಿಸಿ, ಸೌಮ್ಯ ಅವರ ಮೊಬೈಲ್ ಗೆ ಕರೆ ಮಾಡಿ ಲಾಡ್ಜ್ ಗೆ ಬರ್ತಿರಾ, ಹಣ ಎಷ್ಟಾದರೂ ಪರವಾಗಿಲ್ಲ ಎಂದು ಆಹ್ವಾನಿಸಿದ್ದಾನೆ.
ಇದರಿಂದ ಅಕ್ರೋಶಗೊಂಡು ನಾನು ಯಾರು ಗೊತ್ತಾ ಎಂದು ಸೌಮ್ಯ ಪ್ರತಿರೋಧ ವ್ಯಕ್ತಪಡಿಸಿದ್ದಾರೆ. ಇದಕ್ಕೆ ಪ್ರತಿಕಿಯಿಸಿದ ಆ ವ್ಯಕ್ತಿ ನೀವೂ ಯಾರು ಅಂತಾ ನನಗೆ ಗೊತ್ತು, ನಿಮಗೆ ಗಂಡ ಇಲ್ಲ ಎಂಬುವುದೂ ನನಗೆ ಗೊತ್ತು, ನಿಮ್ಮ ಬಗ್ಗೆ ಹೋಮ್ ಗಾರ್ಡ್ ಪುಟ್ಟಮ್ಮ ಎಲ್ಲವನ್ನೂ ಹೇಳಿದ್ದಾಳೆ.
ನೀನು ಹಿರಿಯ ಅಧಿಕಾರಿಗಳ ಜೊತೆ ಓಡಾಡೋದು ಗೊತ್ತು 1 ಲಕ್ಷ ಹಣ ತಂದು ಕೊಡು ಅಂತ ಕಾಮುಕ ಬ್ಲಾಕ್ ಮೇಲ್ ಕೂಡ ಮಾಡಿದ್ದು, ಅದೇ ಠಾಣೆಯಲ್ಲಿ ಕೆಲಸ ಮಾಡುತ್ತಾ ಇದ್ದ ಪುಟ್ಟಮ್ಮನ ಅಶ್ಲೀಲ ಫೋಟೋಗಳನ್ನು ಸಬ್ ಇನ್ಸ್ ಪೆಕ್ಟರ್ ಗೆ ಕಳುಹಿಸಿದ್ದಾನೆ. ನಿಮ್ಮದು ಕೂಡ ಇಂತಹದ್ದೇ ಫೋಟೋಗಳಿವೆ, ನಾನು ಕರೆದಲ್ಲಿ ಬರದೆ ಹೋದರೆ ಮಾನ ಹರಾಜು ಹಾಕುವೆ ಎಂದು ಬೆದರಿಕೆ ಹಾಕಿದ್ದು, ಕಾಮುಕನ ಕಿರುಕುಳಕ್ಕೆ ಬೇಸತ್ತು ವಿದ್ಯಾರಣ್ಯಪುರ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
