ದೇಶ ಕಾಯುವ ಯೋಧನಿಗೆ ಪತ್ನಿಯಿಂದ ಮೋಸ: ಐದು ಬಾರಿ ಪತ್ನಿಗೆ ಚಾನ್ಸ್ ಕೊಟ್ಟ ಯೋಧ! | Janata news

ಬೆಂಗಳೂರು : ಯೋಧನೋರ್ವ ಪೊಲೀಸ್ ಕಾನ್ ಸ್ಟೇಬಲ್ ಆಗಿರುವ ತನ್ನ ಪತ್ನಿಯು ಪರಪುರುಷನೊಂದಿಗೆ ಸಂಬಂಧ ಹೊಂದಿ ತನಗೆ ಮೋಸ ಮಾಡಿರುವುದಾಗಿ ಆರೋಪ ಮಾಡಿದ್ದಾರೆ.

ಜಮ್ಮು ಕಾಶ್ಮೀರದಲ್ಲಿ ಮರಾಠ ರೆಜಿಮೆಂಟ್​ನಲ್ಲಿ ಯೋಧ ನಾಗಿರುವ ಪ್ರಶಾಂತ್ ಮೋಸಕ್ಕೆ ಒಳಗಾದವರು. ಕಾನ್​ಸ್ಟೇಬಲ್​ ಆಗಿರುವ ಹೆಂಡತಿ ಪೂರ್ಣಿಮಾ ಪರ ಪುರುಷನೊಂದಿಗೆ ಅನೈತಿಕ‌ ಸಂಬಂಧ ಹೊಂದಿದ್ದಾಳೆ ಎಂದು ಆರೋಪಿಸಿ ನ್ಯಾಯಕ್ಕಾಗಿ ಗೃಹ ಸಚಿವರ ಭೇಟಿಯಾಗಿ ದೂರು ನೀಡಿದ್ದಾರೆ.

ಮಡಿಕೇರಿ‌ ಮೂಲದ ಪ್ರಶಾಂತ್ ಆರು ತಿಂಗಳ ಹಿಂದೆ ಗುರುಹಿರಿಯರ ಸಮ್ಮುಖದಲ್ಲಿ ಸಂಪ್ರದಾಯವಾಗಿ ಕೊಡಗಿನ ಗೋಣಿಕೊಪ್ಪಲು ಠಾಣೆಯ ಕಾನ್ ಸ್ಟೇಬಲ್ ಆಗಿ ಕೆಲಸ ಮಾಡುತ್ತಿದ್ದ ಪೂರ್ಣಿಮಾರೊಂದಿಗೆ ಮದುವೆಯಾಗಿದ್ದರು. ಮದುವೆಯಾದ ಬಳಿಕ ಸ್ವಲ್ಪ ದಿನವಿದ್ದು ಮತ್ತೆ ಗಡಿಕಾಯುವ ಕೆಲಸಕ್ಕೆ ಹೋಗಿದ್ದಾರೆ. ಪ್ರಶಾಂತ್ ಡ್ಯೂಟಿಯಿಂದ ಮನೆಗೆ ಬಂದಾಗ ಹೆಂಡತಿಯು ಅದೇ ಠಾಣೆಯಲ್ಲಿ ಕೆಲಸ‌ ಮಾಡುತ್ತಿದ್ದ ಮೋಹನ್ ಜೊತೆ ಸಂಬಂಧ ಹೊಂದಿರುವುದು ಗೊತ್ತಾಗಿದೆ‌.

ಅಕ್ರಮ ಸಂಬಂಧ ಬಗ್ಗೆ ಗಂಡ ಪ್ರಶ್ನಿಸಿದಕ್ಕೆ ಇಲ್ಲ ನಾವು ಅಣ್ಣ-ತಂಗಿ ಎಂದು ನಂಬಿಸಿದ್ದಾರೆ. ಕೂಲಂಕುಷವಾಗಿ ವಿಚಾರಿಸಿದಾಗ ಮೋಹನ್, ಪೂರ್ಣಿಮಾಗೆ ವಿಡಿಯೋ ಕಾಲ್ ಹಾಗೂ ಮೆಸೇಜ್ ಮಾಡುತ್ತಿರುವುದು ಗೊತ್ತಾಗಿದೆ. ಈ ಕುರಿತು ಪತ್ನಿಗೆ ಪ್ರಶ್ನಿಸಿದಾಗ ಅಕ್ರಮ ಸಂಬಂಧದ ಬಗ್ಗೆ ಹೆಂಡ್ತಿ ಒಪ್ಪಿಕೊಂಡು ಮತ್ತೆ ಸಂಸಾರ ನಡೆಸೋದಾಗಿ ಭರವಸೆ ನೀಡಿದ್ದಳು.

ಪತಿ ಪ್ರಶಾಂತ್ ಐದು ಬಾರಿ ಆಕೆಗೆ ಚಾನ್ಸ್ ಕೊಟ್ಟಿದ್ದಾರೆ. ಇನ್ನೆಂದೂ ಮಾತನಾಡಲ್ಲ ಎಂದು ಪ್ರಮಾಣ ಮಾಡೋದು ಮತ್ತೆ ಮೋಹನ್ ಜೊತೆ ಸುತ್ತಾಡೋದು ಮಾಡುತ್ತಿದ್ದಳು. ಕೊನೆಗೆ ಪೂರ್ಣಿಮಾಳ ವಂಚನೆಯ ಬುದ್ಧಿ ಎಷ್ಟೇ ಹೇಳಿದರೂ ಬದಲಾಗಿಲ್ಲ.

ಈ ಬಗ್ಗೆ ಮೋಹನ್​ಗೆ ಪ್ರಶ್ನಿಸಿದಾಗ ನಿನ್ನ ಹೆಂಡ್ತಿ ಮೇಲೆ ನನಗೂ ಹಕ್ಕಿದೆ ಎಂದು ಹೇಳಿದ್ದಾನೆ ಎನ್ನಲಾಗಿದೆ. ಮೋಹನ್ ವಿರುದ್ಧ ಶಿಸ್ತಿನ ಕ್ರಮ ಕೈಗೊಂಡು ಅಮಾನತು ಮಾಡಿ ಎಂದು ಪ್ರಶಾಂತ್ ಈಗ ಪೊಲೀಸ್ ಇಲಾಖೆಗೆ ಮನವಿ ಮಾಡಿದ್ದಾರೆ..