ಬೆಂಗಳೂರಿನಲ್ಲಿ ಎಚ್1 ಎನ್1 ಭೀತಿ: ಸಂಸ್ಥೆಯ ಬಾಗಿಲು ಹಾಕಿ, ಮನೆಯಲ್ಲೇ ಕೆಲಸ ಮಾಡಿ ಎಂದ ಜರ್ಮನಿ ಕಂಪೆನಿ | Janata news
ಬೆಂಗಳೂರು : ಬೆಂಗಳೂರು ನಗರದಲ್ಲಿ ಎಚ್1ಎನ್1 ವೈರಸ್ ಭೀತಿ ಎದುರಾಗಿದೆ. ಜರ್ಮನಿಯ ಪ್ರಮುಖ ಸಾಫ್ಟ್ವೇರ್ ಕಂಪೆನಿ ಸ್ಯಾಪ್ನ ಇಬ್ಬರು ಉದ್ಯೋಗಿಗಳಿಗೆ ವೈರಸ್ ಸೋಂಕು ಕಾಣಿಸಿಕೊಂಡ ಬಳಿಕ ಆ ಕಂಪೆನಿ ಎಚ್ಚೆತ್ತುಕೊಂಡಿದೆ.
ಬೆಂಗಳೂರಿನಲ್ಲಿರುವ ಜರ್ಮನಿಯ ಸಾಫ್ಟ್ವೇರ್ ಸಂಸ್ಥೆ ಸ್ಯಾಪ್ನ (ಎಸ್ಎಪಿ) ಇಬ್ಬರು ಉದ್ಯೋಗಿಗಳಿಗೆ ಹಂದಿ ಜ್ವರ ಕಾಣಿಸಿಕೊಂಡಿದ್ದು, ಈ ಶಾಖೆಯನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ.
ಇತ್ತೀಚೆಗೆ ಕೊರೊನಾ ವೈರಸ್ ಭೀತಿ ಎಲ್ಲೆಡೆ ಹೆಚ್ಚಿದೆ. ಸ್ಯಾಪ್ ಇಂಡಿಯಾದ ಬೆಂಗಳೂರು ಇಕೋ ವರ್ಲ್ಡ್ ಕಚೇರಿಯಲ್ಲಿನ ಇಬ್ಬರು ಉದ್ಯೋಗಿಗಳಲ್ಲಿ ಎಚ್1ಎನ್1 ವೈರಸ್ ಇರುವುದು ದೃಢಪಟ್ಟಿದೆ. ಇದರಿಂದ ವೈರಸ್ ಒಬ್ಬರಿಂದ ಇನ್ನೊಬ್ಬರಿಗೆ ಹರಡುವ ಸಾಧ್ಯತೆ ಇದೆ. ಪರಿಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು ನೀವು ಮನೆಯಿಂದ ಕೆಲಸ ಮಾಡುವಂತೆ ಸೂಚಿಸಲಾಗುತ್ತಿದೆ ಎಂದು ಕಂಪೆನಿ ತನ್ನ ಉದ್ಯೋಗಿಗಳಿಗೆ ಹೇಳಿದೆ.
ಮುನ್ನೆಚ್ಚರಿಕೆ ಕ್ರಮವಾಗಿ ಬೆಂಗಳೂರು, ಗುರುಗ್ರಾಮ ಮತ್ತು ಮುಂಬೈನ ಎಲ್ಲ ಸ್ಯಾಪ್ ಕಚೇರಿಗಳನ್ನು ತೀವ್ರ ಸ್ವಚ್ಛಕಾರ್ಯಕ್ಕಾಗಿ ಮುಚ್ಚಲಾಗುತ್ತಿದೆ. ಹೀಗಾಗಿ ಈ ಸ್ಥಳಗಳಲ್ಲಿನ ಎಲ್ಲ ಸ್ಯಾಪ್ ಉದ್ಯೋಗಿಗಳೂ ಮುಂದಿನ ಸೂಚನೆಯವರೆಗೂ ಮನೆಯಿಂದಲೇ ಕರ್ತವ್ಯ ನಿರ್ವಹಿಸಬೇಕೆಂದು ಸೂಚಿಸಲಾಗುತ್ತಿದೆ ಎಂದು ತಿಳಿಸಿದೆ.