ಇಸ್ರೆಲಿಗರೇ *ನಮಸ್ತೆ* ಹೇಳುವದನ್ನು ರೂಡಿಸಿಕೊಳ್ಳಿ - ಹ್ಯಾಂಡ್ಶೇಕ್ ಬೇಡ : ಇಸ್ರೇಲ್ ಪ್ರಧಾನಿ ನೆತನ್ಯಾಹು | Janata news
ನವದೆಹಲಿ : ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು, ನಮಸ್ತೆ ಹೇಳುವ ಮೂಲಕ ಶುಭಾಶಯ ಕೋರುವ ಭಾರತೀಯ ವಿಧಾನವನ್ನು ಅಳವಡಿಸಿಕೊಳ್ಳಲು ಇಸ್ರೇಲಿಗರನ್ನು ಪ್ರೋತ್ಸಾಹಿಸಿದ್ದಾರೆ, ಅವರು ಕೊರೋನವೈರಸ್ ಹರಡುವುದನ್ನು ತಗ್ಗಿಸಲು ನಡೆಸಿದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡುತ್ತಿದ್ದರು.
ಮಾರಣಾಂತಿಕ ಕರೋನವೈರಸ್ ಹರಡುವುದನ್ನು ತಡೆಗಟ್ಟಲು, ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಪರಸ್ಪರ ಸ್ಪರ್ಶಿಸದೆ ಜನರನ್ನು ಸ್ವಾಗತಿಸಲು ಪರಿಹಾರವನ್ನು ಕಂಡುಕೊಂಡಿದ್ದಾರೆ. ಸಾಮಾನ್ಯ ಹ್ಯಾಂಡ್ಶೇಕ್ಗೆ ಬದಲಾಗಿ, ನೆತನ್ಯಾಹು ತಮ್ಮ ದೇಶವಾಸಿಗಳನ್ನು ಪರಸ್ಪರ ಸ್ವಾಗತಿಸಲು, ಭಾರತದ ವಿಧಾನವಾದ, ನಮಸ್ತೆ ಆಯ್ಕೆ ಮಾಡಿಕೊಳ್ಳುವಂತೆ ಸೂಚಿಸಿದ್ದಾರೆ. ನಮಸ್ತೆ, ತಮ್ಮ ಎರಡು ಹಸ್ತವನ್ನು ಪರಸ್ಪರ ಜೋಡಿಸಿ ಸ್ವಾಗತಿಸುವ/ಅಭಿನಂದನೆ/ಸಮರ್ಪಣೆ ಸಲ್ಲಿಸುವ ಭಾರತದಸಾಂಪ್ರದಾಯಿಕ ವಿಧಾನವಾಗಿದೆ.
ನಾನು ಮಾಡುವಂತೆ ನೀವೂ ಕೈಕುಲುಕುವುದನ್ನು ತಪ್ಪಿಸಿ. ನೀವು ಭಾರತೀಯ ವಿಧಾನವಾದ ನಮಸ್ತೆ ಯನ್ನು ಕಾರ್ಯಗತಗೊಳಿಸಲು ಪ್ರಯತ್ನಿಸಬಹುದು ಅಥವಾ ಶಾಲೋಮ್ ನಂತಹ ಇನ್ನೊಂದು ಪದವನ್ನು ಹೇಳಬಹುದು. ಆದರೆ ಒಂದು ಅನ್ಯ ಮಾರ್ಗವನ್ನು ಕಂಡುಕೊಳ್ಳಿ, ಯಾವುದೇ ರೀತಿಯಲ್ಲಿ ಕೈಕುಲುಕಬಾರದು, ಎಂದು ಶ್ರೀ ನೆತನ್ಯಾಹು ಹೇಳಿದರು.
ಇದಲ್ಲದೇ, ಬೆಂಜಮಿನ್ ನೆತನ್ಯಾಹು ಅವರು, ನಮಸ್ತೆ, ಮಡಿ ತೋರಿಸುವುದರ ಮೂಲಕ ಭಾರತೀಯರು ಹೇಗೆ ಪರಸ್ಪರ ಸ್ವಾಗತಿಸುತ್ತಾರೆ, ಎಂಬುದನ್ನು ಪ್ರದರ್ಶಿಸಿದ್ದಾರೆ.
ಈ ಸಂದರ್ಭದಲ್ಲಿ ಕರೋನವೈರಸ್ ಹರಡುವಿಕೆಯ ವಿರುದ್ಧ ಹೋರಾಡುವ ಪರಿಶೀಲನಾ ಸಭೆಯ ನಂತರ ಪತ್ರಿಕಾಗೋಷ್ಠಿಯಲ್ಲಿ ಬೆಂಜಮಿನ್ ನೆತನ್ಯಾಹು, ರೋಗ ಹರಡುವುದನ್ನು ತಡೆಗಟ್ಟಲು ಹಲವಾರು ಕ್ರಮಗಳನ್ನು ಘೋಷಿಸಲಾಗುವುದು ಎಂದು ಹೇಳಿದರು.