ಬೆಂಗಳೂರು ವಿಜ್ಞಾನಿಗಳಿಂದ: ಕೊರೋನಾ ವೈರಸ್ ನಿಷ್ಕ್ರಿಯಗೊಳಿಸಬಲ್ಲ ಸಾಧನ ಆವಿಷ್ಕಾರ! | Janata news
591
ಬೆಂಗಳೂರು : ಬೆಂಗಳೂರಿನ ವಿಜ್ಞಾನಿಯೊಬ್ಬರು ಕೊರೋನಾ ವೈರಸ್ ಸೋಂಕು ಹರಡಲು ಹೊಸ ಸಾಧನವನ್ನು ಆವಿಷ್ಕರಿಸಿದ್ಧಾರೆ. ಇದರ ಪರಿಶೀಲನೆಗಾಗಿ ಅವರು ಅಮೆರಿಕಕ್ಕೆ ಕಳುಹಿಸಿಕೊಟ್ಟಿದ್ದಾರೆ ಎನ್ನಲಾಗಿದೆ.
ಬೆಂಗಳೂರಿನ ಈ ವಿಜ್ಞಾನಿಯ ಹೆಸರು ಡಾ. ರಾಜಾ ವಿಜಯ್ ಕುಮಾರ್, ಇವರ ಡೀ ಸ್ಕೇಲೀನ್ ಸಂಸ್ಥೆಯ ವಿಜ್ಞಾನಿಗಳ ತಂಡ ಈ ಸಾಧನವನ್ನು ಕಂಡು ಹಿಡಿದಿದೆ ಎಂದು ಹೇಳಿಕೊಂಡಿದೆ.
ಮೈಕ್ರೋ ಓವನ್‌ ಗಾತ್ರದ ಯಂತ್ರ ಇದಾಗಿದ್ದು, ಇದನ್ನು ಮನೆ, ಶಾಲೆ, ಕಚೇರಿ, ಸಭಾಂಗಣ ಅಥವಾ ಕಾರಿನಲ್ಲಿ ಇಟ್ಟುಕೊಂಡರೆ ಅಲ್ಲಿ ಕೊರೋನಾ ಸೋಂಕು ಹರಡುವುದಿಲ್ಲ ಎನ್ನಲಾಗಿದೆ.
ರಾಜಾ ವಿಜಯ್ ಕುಮಾರ್ ಹೇಳಿದ್ದಾರೆ. ದೇಶದಲ್ಲಿ ಕೊರೋನಾ ಹರಡುತ್ತಿದ್ದಂತೆ ಕೇಂದ್ರ ಆರೋಗ್ಯ ಇಲಾಖೆಗೂ ಈ ಯಂತ್ರದ ಕುರಿತು ಅವರು ಮಾಹಿತಿ ನೀಡಿದ್ದಾರೆ.
ಈ ಗ್ಯಾಜೆಟ್ನ ಹೆಸರು ಸ್ಕೇಲೀನ್ ಹೈಪರ್ಚಾರ್ಜ್ ಕೊರೋನಾ ಕ್ಯಾನೋನ್. ಸೀಮಿತ ವಾತಾವರಣದಲ್ಲಿ ಕೊರೋನಾವೈರಸ್‌ ನಿಷ್ಕ್ರಿಯಗೊಳ್ಳುವಂತೆ ಮಾಡಿ, ಒಬ್ಬರಿಂದ ಒಬ್ಬರಿಗೆ ಹರಡುವ ಅದರ ಶಕ್ತಿಯನ್ನು ಕಿತ್ತುಕೊಳ್ಳುತ್ತದೆ. ಈ ಸಾಧನದಿಂದ ಬಂದಿರುವ ಎಲೆಕ್ಟ್ರಾನ್ಗಳೋ, ಮನುಷ್ಯನ ದೇಹದೊಳಗಿನ ಎಲೆಕ್ಟ್ರಾನ್ಗಳೋ ಎಂಬ ವ್ಯತ್ಯಾಸ ಅದಕ್ಕೆ ಗೊತ್ತಾಗದು. ಟೇಬಲ್ ಅಥವಾ ಬಟ್ಟೆಯಲ್ಲೋ ವೈರಾಣು ಇದ್ದರೆ ಈ ಎಲೆಕ್ಟ್ರಾನ್ಗಳು ಅದನ್ನು ನಿಷ್ಕ್ರಿಯಗೊಳಿಸುತ್ತವೆ. ಹೀಗೆ ನಿಷ್ಕ್ರಿಯಗೊಂಡ ವೈರಸ್ಗಳು ನಮ್ಮ ದೇಹ ಪ್ರವೇಶ ಮಾಡಿದರೂ ಅಪಾಯಕಾರಿ ಎನಿಸುವುದಿಲ್ಲ ಎಂದು ವಿಜಯ್ ಕುಮಾರ್ ಹೇಳಿದ್ದಾರೆ.
ಡಾ. ರಾಜಾ ವಿಜಯ್ ಕುಮಾರ್ ಹೇಳುವ ಪ್ರಕಾರ ಈ ಸಾಧನ ಆವಿಷ್ಕಾರ ವರ್ಷದ ಹಿಂದೆಯೇ ಶುರುವಾಗಿತ್ತಂತೆ. ಕೋವಿಡ್-19 ಉದ್ಭವಿಸುವ ಆರು ತಿಂಗಳ ಮೊದಲೇ ಇದರ ಪ್ರಯೋಗ ಆಗಿತ್ತು. ನಮ್ಮ ಸಂಸ್ಥೆಯಲ್ಲಿ ಒಬ್ಬ ವಿಜ್ಞಾನಿಗೆ ನೆಗಡಿ ಅಥವಾ ಜ್ವರ ಬಂದರೆ ಕ್ರಮೇಣ ಎಲ್ಲರೂ ಹುಷಾರಿಲ್ಲದೆ ರಜೆ ಹಾಕುತ್ತಿದ್ದರು. ಅದನ್ನು ತಪ್ಪಿಸುವುದಕ್ಕೋಸ್ಕರ ವಾತಾವರಣದಲ್ಲಿರುವ ವೈರಸ್ ನಿಷ್ಕ್ರಿಯಗೊಳಿಸುವ ಯಂತ್ರವೊಂದನ್ನು ಸಂಶೋಧಿಸಲು ಈ ವರ್ಷ ಆರಂಭಿಸಿದ್ದೆವು. ಕೊರೋನಾವೈರಸ್‌ ಪತ್ತೆಯಾಗುವುದಕ್ಕಿಂತ ಮೊದಲೇ ಇದರ ಸಂಶೋಧನೆ ಆರಂಭವಾಗಿತ್ತು. ಫ್ಲೂ ಹರಡುವುದು ಕೊರೋನಾದಂಥ ವೈರಸ್ಗಳಾದ್ದರಿಂದ ಇಂಥದ್ದೊಂದು ಸಾಧನದ ಐಡಿಯಾದಲ್ಲಿ ಪ್ರಯೋಗ ಮಾಡಿದ್ಧಾರೆ. ಈಗ ಯಶಸ್ವಿಯಾಗಿದೆ.
ದೊಡ್ಡ ಪ್ರಮಾಣದಲ್ಲಿ ಉತ್ಪಾದಿಸಿದರೆ 600 ರು.ದಿಂದ 4000 ರು. ದರದಲ್ಲಿ ಇದು ಲಭ್ಯವಾಗುವಂತೆ ಮಾಡಬಹುದು ಎನ್ನುತ್ತಾರೆ ಡಾ. ರಾಜಾ ವಿಜಯ್ ಕುಮಾರ್.
