ಚೀನಾ ಆಕ್ಷೇಪದ ನಡುವೆ ಗಡಿಯಲ್ಲಿ ಕಾಮಗಾರಿ ವೇಗ ಹೆಚ್ಚಿಸಿದ ಬಾರ್ಡರ್ ರೋಡ್ಸ್ ಆರ್ಗನೈಸೇಶನ್ | Janata news
ಲೇಹ್ : ಪ್ರಧಾನಿ ನರೇಂದ್ರ ಮೋದಿ ನೇತ್ರತ್ವದ ಭಾರತ ಸರ್ಕಾರ ಚೀನಾ ಗಡಿನಾಡಿನ ಪ್ರದೇಶದಾದ್ಯಂತ ಸಂಪರ್ಕ ವ್ಯವಸ್ಥೆ ಅಭಿವೃದ್ಧಿಯನ್ನು ತುಂಬಾ ಗಂಭಿರವಾಗಿ ಪರಿಗಣಿಸಿದ್ದು, ಸತತ ಚೀನಾ ಆಕ್ಷೇಪಣೆ ಹೊರತಾಗೂ ನಿರಾತಂಕವಾಗಿ ರಸ್ತೆ ಕಾಮಗಾರಿ ನಡೆದಿದೆ.
ಚೀನಾ ಗಡಿಯಲ್ಲಿ ರಸ್ತೆ ನಿರ್ಮಾಣಕ್ಕಾಗಿ ಬಾರ್ಡರ್ ರೋಡ್ ಒರ್ಗನೈಸೆಶನ್(ಬಿಆರ್ಒ) 11 ಸಾವಿರ ಕಾರ್ಮಿಕರನ್ನು ನೇಮಿಸಿಕೊಳ್ಳುಲಿದ್ದು, ಜಾರ್ಖಂಡ್ ಸರ್ಕಾರದೊಂದಿಗೆ ಸಹಿ ಮಾಡಿದ ಒಪ್ಪಂದದ ಪ್ರಕಾರ 1600 ಕಾರ್ಮಿಕರನ್ನು ಲೇಹ್-ಲಡಾಖ್ ಕಡೆಗೆ ಸಾಗಿಸುವ ಮೊದಲ ವಿಶೇಷ ರೈಲಿಗೆ ಜಾರ್ಖಂಡ್ ನ ಸಿಎಂ ಹೇಮಂತ್ ಸೊರೆನ್ ನಿನ್ನೆ ಶನಿವಾರ ಹಸಿರು ದ್ವಜ ತೋರಿಸಿದ್ದಾರೆ.
ಬಾರ್ಡರ್ ರೋಡ್ಸ್ ಆರ್ಗನೈಸೇಶನ್ (ಬಿಆರ್ಒ) ಈ ವರ್ಷದ ಅಂತ್ಯದ ವೇಳೆಗೆ ಕಾರ್ಯತಂತ್ರದ ಡಾರ್ಬುಕ್-ಶ್ಯೋಕ್-ದೌಲತ್ ಬೇಗ್ ಓಲ್ಡಿ (ಡಿಎಸ್ಡಿಬಿಒ) ರಸ್ತೆಯ ಕಾಮಗಾರಿಗಳನ್ನು ಪೂರ್ಣಗೊಳಿಸುವ ಗುರಿಯನ್ನು ಹೊಂದಿದೆ.
ಡಿಎಸ್ಡಿಬಿಒ ರಸ್ತೆಯನ್ನು ಬಳಸುವುದರಿಂದ ಭಾರತೀಯ ಭದ್ರತಾ ಪಡೆಗಳು ಲೇಹ್ನಿಂದ ಡಿಬಿಒ ನಡುವಿನ ಪ್ರಯಾಣದ ಸಮಯವನ್ನು ಆರು ಗಂಟೆಗಳವರೆಗೆ ಕಡಿಮೆ ಮಾಡಬಹುದಾಗಿದೆ, ಎಂದು ಎನ್ನಲಾಗಿದೆ.
ಪೂರ್ವ ಲಡಾಕ್ ವಲಯದಲ್ಲಿ, ಹವಾಮಾನವು ಕೇವಲ ನಾಲ್ಕರಿಂದ ಐದು ತಿಂಗಳು ಕೆಲಸ ಮಾಡಲು ಅನುಕೂಲಕರವಾಗಿರುವುದರಿಂದ, ಕಾಮಗಾರಿ ನಡೆಸಲು ಸಮಯ ತುಂಬಾ ನಿಯಮಿತವಾಗಿದೆ.