ರಷ್ಯಾ-2ನೇ ಮಹಾಯುದ್ಧದ 75ನೇ ವಿಕ್ಟರಿ ಡೇ ಪೆರೇಡ್ ನಲ್ಲಿ ಭಾರತೀಯ ತ್ರಿ-ಸೇವಾ ಪರೇಡ್ | Janata news
ಮಾಸ್ಕೋ : ಎರಡನೇ ಮಹಾಯುದ್ಧದಲ್ಲಿ ರಷ್ಯಾದ 75ನೇ ವಿಜಯದ ವಾರ್ಷಿಕೋತ್ಸವವನ್ನು ಆಚರಿಸುವದ್ದಕ್ಕಾಗಿ ಮಾಸ್ಕೋದ ರೆಡ್ ಸ್ಕ್ವೇರ್ ನಲ್ಲಿ ನಡೆದ ವಿಕ್ಟರಿ ಡೇ ಪೆರೇಡ್ ನಲ್ಲಿ ಭಾರತೀಯ ತ್ರಿ-ಸೇವಾ ಮೆರವಣಿಗೆ ಇಂದು ಭಾಗವಹಿಸಿತು.
ವಿಕ್ಟರಿ ಡೇ ಮೆರವಣಿಗೆಯಲ್ಲಿ ಭಾರತೀಯ ತ್ರಿ-ಸೇವಾ ಪರೇಡ್ ದಳವನ್ನು ಸಿಖ್ ಲೈಟ್ ಇನ್ಫೆಂಟ್ರಿ ಸೈನಿಕರು ಮುನ್ನಡೆಸಿದ್ದಾರೆ. ಎರಡನೇ ವಿಶ್ವಯುದ್ಧದಲ್ಲಿ ಈ ಸಿಖ್ ಲೈಟ್ ಇನ್ಫೆಂಟ್ರಿ 04 ಬ್ಯಾಟಲ್ ಗೌರವಗಳು ಮತ್ತು 02 ಮಿಲಿಟರಿ ಕ್ರಾಸ್ ಗಳಿಸಿದೆ ಮತ್ತು ಇತರ ಧೀರ ಪ್ರಶಸ್ತಿಗಳನ್ನು ಗಳಿಸಿದೆ, ಎನ್ನಲಾಗಿದೆ.
ಎರಡನೇ ಮಹಾಯುದ್ಧದಲ್ಲಿ ಭಾರತೀಯ ಸೈನಿಕರು ಶೌರ್ಯಕ್ಕಾಗಿ 18 ವಿಕ್ಟೋರಿಯಾ ಮತ್ತು ಜಾರ್ಜ್ ಕ್ರಾಸ್ ಸೇರಿದಂತೆ 4000 ಅಲಂಕಾರ ಮೆಡಲ್ ಗಳನ್ನು ಗಳಿಸಿದ್ದರು. ರಷ್ಯಾ ಕೂಡ ಎಎಸ್ಸಿಯ ಸುಬೇದಾರ್ ನಾರಾಯಣ್ ರಾವ್ ನಿಕ್ಕಮ್ ಮತ್ತು ಎಎಸ್ಸಿಯ ಹವ್ ಗಜೇಂದ್ರ ಸಿಂಗ್ ಅವರನ್ನು 1944 ರಲ್ಲಿ ರೆಡ್ ಸ್ಟಾರ್ ಪದಕದೊಂದಿಗೆ ಗೌರವಿಸಿತ್ತು.
ಎರಡನೇ ವಿಶ್ವಯುದ್ಧದ ಸಮಯದಲ್ಲಿ 87 ಸಾವಿರ ಭಾರತೀಯ ಸೈನಿಕರು ಯುರೋಪ್, ಆಫ್ರಿಕಾ ಮತ್ತು ಮಧ್ಯಪ್ರಾಚ್ಯದ ವಿವಿಧ ರಣರಂಗದಲ್ಲಿ ಜೀವ ಹೋರಾಟ ನಡೆಸಿದ್ದರು.