ಭಾರತದಲ್ಲಿ ಮೂರು ಕೊರೊನಾವೈರಸ್ ಲಸಿಕೆಗಳು ವಿವಿಧ ಪ್ರಯೋಗ ಹಂತದಲ್ಲಿ - ಐಸಿಎಂಆರ್ | Janata news
1336
ನವದೆಹಲಿ : ಭಾರತವು ದಿನೇದಿನೇ ಏರಿಕೆಯಾಗುತ್ತಿರುವ ಕೋವಿಡ್19 ಪ್ರಕರಣಗಳೊಂದಿಗೆ ಹೋರಾಡುತ್ತಿದ್ದರೂ ಸಹ, ಲಸಿಕೆ ಅಭಿವೃದ್ಧಿ ಮತ್ತು ಪ್ರಯೋಗಗಳ ಅಗತ್ಯವನ್ನು ಪೂರೈಸಲು ಸುಧಾರಿತ ರೀತಿಯಲ್ಲಿ ಮೇಲ್ವಿಚಾರಣೆ ಮಾಡುತ್ತಿದೆ. ಭಾರತದ ಕೆಲವು ಸಕಾರಾತ್ಮಕ ಸುದ್ದಿಗಳಲ್ಲಿ, ಭಾರತದ ಮೂರು ಲಸಿಕೆಗಳು ಪ್ರಯೋಗದ ವಿವಿಧ ಹಂತಗಳಲ್ಲಿ ಇರುವುದಾಗಿ, ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್‌ನ ಮಹಾನಿರ್ದೇಶಕ ಡಾ. ಬಲರಾಮ್ ಭಾರ್ಗವ ಹೇಳಿದ್ದಾರೆ.
ಭಾರತ ಬಯೋಟೆಕ್ ವ್ಯಾಕ್ಸೀನ್ 11 ಸ್ಥಳಗಳಲ್ಲಿ ಮೊದಲನೇ ಹಂತದ ಅಧ್ಯಯನ ಪೂರ್ಣಗೊಳಿಸಿ, ಎರಡನೇ ಹಂತ ಆರಂಭಿಸಿದೆ. ಡಿಎನ್ಎ ವ್ಯಾಕ್ಸೀನ್ ಮೊದಲನೇ ಹಂತದ ಅಧ್ಯಯನ ಪೂರ್ಣಗೊಳಿಸಿ, 11 ಸ್ಥಳಗಳಲ್ಲಿ ಎರಡನೇ ಹಂತ ಆರಂಭಿಸಿದೆ.
ಆಕ್ಸ್‌ಫರ್ಡ್-ಅಸ್ಟ್ರಾಜೆನೆಕಾ ಕೊರೊನಾವೈರಸ್ ಲಸಿಕೆ ತಯಾರಿಸಲು ಒಪ್ಪಂದಕ್ಕೆ ಸಹಿ ಹಾಕಿದ ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾ ಈಗ ಭಾರತದಲ್ಲಿ ನಿರ್ಣಾಯಕ ಹಂತ III ಲಸಿಕೆ ಪ್ರಯೋಗಗಳನ್ನು ಪ್ರಾರಂಭಿಸಲು ಅನುಮೋದನೆಗಳನ್ನು ಗೆದ್ದಿದೆ.
ಭಾರತದ ಉನ್ನತ ಔಷಧ ನಿಯಂತ್ರಕ ಮಂಡಳಿ ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ(ಡಿಸಿಜಿಐ) ಕೋವಿಡ್ -19 ಲಸಿಕೆ ಕುರಿತು, ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾ(ಎಸ್‌ಐಐ) ಗೆ ಭಾರತದಲ್ಲಿ ಹಂತ 2 ಮತ್ತು 3 ಮಾನವ ಕ್ಲಿನಿಕಲ್ ಪ್ರಯೋಗಗಳನ್ನು ನಡೆಸಲು ಅನುಮತಿ ನೀಡಿದೆ.
ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾ ತಯಾರಿಸುತ್ತಿರುವ ಆಕ್ಸ್‌ಫರ್ಡ್ ಲಸಿಕೆ, ಹಂತ 2 ಮತ್ತು 3ನೇ ಕ್ಲಿನಿಕಲ್ ಪ್ರಯೋಗಗಳಿಗೆ ಅನುಮೋದನೆ ಪಡೆದಿದೆ. ಈ ಕ್ಲಿನಿಕಲ್ ಟ್ರಯಲ್ ಗಳು ಒಂದು ವಾರದೊಳಗೆ 17 ತಾಣಗಳಲ್ಲಿ ಪ್ರಾರಂಭವಾಗಲಿದೆ ಎಂದು, ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್‌ನ ಮಹಾನಿರ್ದೇಶಕ ಡಾ. ಬಲರಾಮ್ ಭಾರ್ಗವ ಹೇಳಿದ್ದಾರೆ.
ಸಂಪೂರ್ಣ ಮೌಲ್ಯಮಾಪನದ ನಂತರ, ವಿಷಯ ತಜ್ಞರ ಸಮಿತಿಯ(ಎಸ್‌ಇಸಿ) ಶಿಫಾರಸುಗಳ ಆಧಾರದ ಮೇಲೆ ಡಿಸಿಜಿಐ ಹಂತ II, III ಕ್ಲಿನಿಕಲ್ ಪ್ರಯೋಗವನ್ನು ನಡೆಸಲು ಎಸ್‌ಐಐಗೆ ಅನುಮೋದನೆ ನೀಡಿದೆ.
