ಚೀನಾಗೆ ಮೊದಲ ಹೊಡೆತ ನೀಡಿದ ತೈವಾನ್ : ಚೀನಾದ ಸು-35 ಯುದ್ಧವಿಮಾನ ಹೊಡೆದುರುಳಿಸಿದೆ | Janata news
1516
ತೈಪೈ : ಸದಾ ಹುಂಬತನ ಪ್ರದರ್ಶಿಸುತ್ತಿರುವ ಚೀನಾಕ್ಕೆ ಆದ ದೊಡ್ಡ ಹಿನ್ನಡೆಯಲ್ಲಿ, ಚೀನಾದ ಸುಖೋಯ್ ಯುದ್ಧ ವಿಮಾನವನ್ನು ತೈವಾನ್ ಹೊಡೆದುರುಳಿಸಿದೆ, ಎಂದು ವರದಿಯಾಗಿದೆ. ಇದೀಗ ಬಂದಿರುವ ವಿಡಿಯೋ ಪ್ರಕಾರ, ಫೈಟರ್ ಜೆಟ್ ಗ್ರಾಮೀಣ ವಸತಿ ಪ್ರದೇಶದ ಸಮೀಪ ತೆರೆದ ಪ್ರದೇಶದಲ್ಲಿ ಬೆಂಕಿ ಅವಘಡಕ್ಕಿಡಾಗಿದೆ. ಈ ಅವಘಡ ಹೇಗೆ ಸಂಭವಿಸಿತು ಎಂಬುದರ ಕುರಿತು ಯಾವುದೇ ಸ್ಪಷ್ಟ ಮಾಹಿತಿ ಇಲ್ಲ ಮತ್ತು ತಾಂತ್ರಿಕ ಅಸಮರ್ಪಕತೆಯಿಂದ ವಿಮಾನ ಬಿದ್ದಿದೆಯೆ ಅಥವಾ ಅದು ತೈವಾನೀಸ್ ಮಿಲಿಟರಿಯ ದಾಳಿಯ ಪರಿಣಾಮವೇ ಎಂಬುದು ಸ್ಪಷ್ಟವಾಗಿಲ್ಲ.
ಚೀನಾದ ಜೆಟ್‌ಗಳನ್ನು ತನ್ನ ಗಡಿಗೆ ಪ್ರವೇಶಿಸದಂತೆ ತೈವಾನ್ ಹಲವಾರು ಬಾರಿ ಎಚ್ಚರಿಕೆ ನೀಡಿದ್ದರೂ, ಚೀನಾ ತನ್ನ ಭಂಡತನದ ಪ್ರದರ್ಶನ ಮುಂದುವರೆಸಿದೆ. ಪ್ರತಿಯಾಗಿ, ಇಂದು ತೈವಾನ್ ಯುಎಸ್ ನಿರ್ಮಿತ ವಾಯು ರಕ್ಷಣಾ ಕ್ಷಿಪಣಿ ವ್ಯವಸ್ಥೆಯನ್ನು ಬಳಸಿಕೊಂಡು ಚೀನಾದ ಯುದ್ಧ ವಿಮಾನವನ್ನು ಹೊಡೆದುರುಳಿಸಿದೆ, ಎನ್ನಲಾಗುತ್ತಿದೆ.
ತೈವಾನ್ ತಮ್ಮ ಸಿಸಿಪಿ ಸು-35 ಯುದ್ಧವಿಮಾನವನ್ನು ಹೊಡೆದುರುಳಿಸಿರುವ ಸುದ್ಧಿ ಕುರಿತು ಪ್ರತಿಕ್ರಿಯೆ ನೀಡಿರುವ ಚೀನಾ ರಾಷ್ಟ್ರೀಯ ರಕ್ಷಣಾ ಸಚಿವಾಲಯ, ಇದು ಸುಳ್ಳು ಮಾಹಿತಿ ಮತ್ತು ಸಂಪೂರ್ಣವಾಗಿ ಸುಳ್ಳು ಎಂದು ವಾಯುಪಡೆಯ ಕಮಾಂಡ್ ಇಂದು ನಿರಾಕರಿಸಿದೆ, ಎಂದು ಪ್ರಕಟಿಸಿದೆ.
ಭಾರತದೊಂದಿಗಿನ ಗಲ್ವಾನ್ ಕಣಿವೆ ಪ್ರದೇಶದಲ್ಲಿ ತಮ್ಮ ಸೇನೆಯಲ್ಲಿ ಯಾವುದೇ ಸಾವುನೋವು ಸಂಭವಿಸಿಲ್ಲ ಎಂದು ಚೀನಾ ಹೇಳಿಕೆ ನೀಡಿದ್ದನ್ನು ಇಲ್ಲಿ ಸ್ಮರಿಸಬಹುದು. ಆದರೆ, ಬಳಿಕ 40 ಕ್ಕೂ ಅಧಿಕ ಶವಗಳನ್ನು ಗಡಿಯಿಂದ ಹೊತ್ತೊಯ್ದಿತ್ತು.
ರಷ್ಯಾ ನಿರ್ಮಿಸಿದ ಸುಖೋಯ್ ಜೆಟ್‌ಗಳನ್ನು ಮೊದಲ ಬಾರಿಗೆ 1991 ರಲ್ಲಿ ಚೀನಾಕ್ಕೆ ತರಲಾಯಿತು. ಚೀನಾವು ತನ್ನ ಯುದ್ಧ ವಿಮಾನಗಳನ್ನು ಭಾರತೀಯ ಗಡಿಯ ಸುತ್ತಲೂ ಮತ್ತು ಇತರ ನೆರೆಯ ರಾಷ್ಟ್ರಗಳೊಂದಿಗೆ ಪ್ರಚೋದನಕಾರಿ ಚಲನೆಗಳನ್ನು ನಿರಂತರವಾಗಿ ಬಳಸುತ್ತಿದೆ. ಈ ವಾರದ ಆರಂಭದಲ್ಲಿ, ಚೀನಾ ತನ್ನ ಅತ್ಯಾದುನಿಕ ಜೆ-20 ಸ್ಟೆಲ್ತ್ ಯುದ್ಧ ವಿಮಾನಗಳನ್ನು ಟಿಬೆಟ್‌ನ ಹೊಟಾನ್ ವಾಯುನೆಲೆಗೆ ನಿಯೋಜಿಸಿತ್ತು, ಎಂದು ಕೆಲವು ಮಾಧ್ಯಮ ವರದಿಗಳು ತಿಳಿಸಿವೆ.
