ಸಿಟಿಮಾರ್ಕೆಟ್ ಪೊಲೀಸರು ₹3.30 ಕೋಟಿ ಮೌಲ್ಯದ ಮಾದಕ ವಸ್ತು ವಶ, ಇಬ್ಬರ ಬಂಧನ | Janata news
ಬೆಂಗಳೂರು : ನಗರದ ಸಿಟಿಮಾರ್ಕೆಟ್ ಪೊಲೀಸರು ₹3.30 ಕೋಟಿ ಮೌಲ್ಯದ ಮಾದಕ ವಸ್ತುಗಳನ್ನು ವಶಪಡಿಸಿಕೊಂಡು, ಇಬ್ಬರು ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಸಿಟಿಮಾರ್ಕೆಟ್ ಪೊಲೀಸರ ತಂಡ ನಡೆಸಿದ ಕಾರ್ಯಾಚರಣೆಯಲ್ಲಿ 1.280ಕೆಜಿ-ಬ್ರೌನ್ ಶುಗರ್, 475gm-ಒಪಿಯಂ, 25-ಎಲ್ಎಸ್ಡಿ ಸ್ಟ್ರಿಪ್ಸ್, 32ಗ್ರಾಂ-ಎಂಡಿಎಂಎ, 3-ಮೊಬೈಲ್ ಫೋನ್ ಗಳು, 2-ಬೈಕ್ ಗಳು ಸೇರಿದಂತೆ ಒಟ್ಟು ₹3.30 ಕೋಟಿ ಮೌಲ್ಯದ ಸಾಮಗ್ರಿಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಬೆಂಗಳೂರು ನಗರ ಪಶ್ಚಿಮ ವಿಭಾಗದ ಉಪ ಪೊಲೀಸ್ ಆಯುಕ್ತ ಡಾ.ಸಂಜೀವ್ ಎಂ.ಪಾಟೀಲ್ ಅವರು ಹೇಳಿದ್ದಾರೆ.
ಮಾದಕ ವಸ್ತುಗಳ ಜಾಲದ ಮೇಲೆ ನಿನ್ನೆ ಸಂಜಯನಗರ ಪೋಲಿಸರ ತಂಡ ನಡೆಸಿದ ಕಾರ್ಯಚರಣೆಯಲ್ಲಿ ಸುಮಾರು 30ಕೆಜಿ ತೂಕದ ಗಾಂಜಾ ವಶಕ್ಕೆ ಪಡೆದಿದ್ದು, ಮೂವರು ಅಂತರಾಜ್ಯ ಡ್ರಗ್ಸ್ ಪೇಡಲರ್ ಗಳನ್ನು ಬಂಧಿಸಲಾಗಿತ್ತು. ಈ ಕಾರ್ಯಾಚರಣೆಯನ್ನು ಪ್ರೋತ್ಸಾಹಿಸಲು, ಸಂಜಯನಗರ ಪೋಲಿಸರ ತಂಡದ ಅಧಿಕಾರಿ ಮತ್ತು ಸಿಬ್ಬಂದಿಯವರ ಕಾರ್ಯವನ್ನು ಪ್ರಶಂಸಿಸುತ್ತಾ, 60 ಸಾವಿರ ರೂ.ಗಳ ಬಹುಮಾನವನ್ನು ಮಂಜೂರು ಮಾಡಲಾಗಿದೆ, ಎಂದು ನಗರ ಪೋಲಿಸ್ ಆಯುಕ್ತರಾದ ಕಮಲ್ ಪಂತ್ ಅವರು ಘೋಷಿಸಿದ್ದಾರೆ.
₹3.30 ಕೋಟಿ ಮೌಲ್ಯದ ಮಾದಕ ವಸ್ತುಗಳೊಂದಿಗೆ ಇಬ್ಬರು ಆರೋಪಿಗಳನ್ನು ಬಂಧಿಸಿದ ಸಿಟಿಮಾರ್ಕೆಟ್ ಪೊಲೀಸರು.
— Dr. Sanjeev M Patil, IPS (@DCPWestBCP) September 23, 2020
1.280Kg-Brown Sugar, 475gm-Opium, 25-LSD Strips, 32gm-MDMA, 3-Mobiles, 2-Bikes, total property worth ₹3.30 Cr seized @citymarketps @BlrCityPolice. @CPBlr @AddlCPWest @DgpKarnataka pic.twitter.com/FzDwRvBSi2