ಜಿಲೇಬಿ ಮಾಡುವ ಸರಳ ವಿಧಾನ | Janata news
ಬೆಂಗಳೂರು : ಜಿಲೇಬಿಯನ್ನು ಸುಲಭದಲ್ಲಿ ಮಾಡುವ ರೆಸಿಪಿ ನೀಡಿದ್ದೇವೆ. ಒಮ್ಮೆ ಟ್ರೈ ಮಾಡಿ ನೋಡಿ, ಬಿಸಿ-ಬಿಸಿ ಜಿಲೇಬಿ ಸವಿಯುವ ರುಚಿನೇ ಬೇರೆ.
ಬೇಕಾಗುವ ಪದಾರ್ಥಗಳು
ಮೈದಾ – 2 ಬಟ್ಟಲು
ಸಕ್ಕರೆ – 1/2 ಬಟ್ಟಲು
ತುಪ್ಪ – 1 ಚಮಚ
ಮಜ್ಜಿಗೆ – ಅರ್ಧ ಬಟ್ಟಲು
ಅಡುಗೆ ಎಣ್ಣೆ – ಕರಿಯಲು
ಮಾಡುವ ವಿಧಾನ
- ಮೈದಾ ಹಿಟ್ಟಿಗೆ ಮಜ್ಜಿಗೆ ಹಾಕಿ ಕಲಸಬೇಕು.
- ಈ ಹಿಟ್ಟು ಒಂದು ರಾತ್ರಿಯಿಡೀ ನೆನೆಯಲು ಬಿಡಬೇಕು.
- ಮರುದಿನ ಹಿಟ್ಟಿಗೆ 2-3 ಚಮಚ ಮೈದಾ, ತುಪ್ಪ ಸೇರಿಸಿ ಮಿಶ್ರಣ ಮಾಡಬೇಕು.
- ಪಾತ್ರೆಯೊಂದನ್ನು ಒಲೆಯ ಮೇಲಿಟ್ಟು ಸಕ್ಕರೆ ಹಾಕಿ ಸಕ್ಕರೆ ಮುಳುಗುವಷ್ಟು ನೀರು ಹೇಕಿ ಪಾಕ ತಯಾರು ಮಾಡಿಕೊಳ್ಳಬೇಕು.
- ಪಾಕ ಹದಕ್ಕೆ ಬಂದನ ನಂತರ ಅದಕ್ಕೆ ಕೇಸರಿ ಹಾಕಿ ಸ್ವಲ್ಪ ಹೊಟ್ಟು ಇಳಿಸಬೇಕು.
- ಬಾಣಲೆಯ್ನು ಒಲೆಯ ಮೇಲಿಟ್ಟು ಎಣ್ಣೆ ಹಾಕಿ ಕಾಯಲು ಬಿಡಬೇಕು.
- ಕಲಸಿಟ್ಟುಕೊಂಡ ಹಿಟ್ಟನ್ನು ಒಂದು ಜಿಲೇಬಿ ತೂತಿನ ಪರಿಕರದಲ್ಲಿ ವೃತ್ತಾಕಾರವಾಗಿ ಎಣ್ಣೆಗೆ ಬಿಡಬೇಕು.
- ಕಂದು ಬಣ್ಣಕ್ಕೆ ಬರುತ್ತಿದ್ದಂತೆಯೇ ತೆಗೆದು ಸಕ್ಕರೆ ಪಾಕಕ್ಕೆ ಹಾಕಬೇಕು. 5 ನಿಮಿಷಗಳ ಬಳಿಕ ಪಾಕದಿಂದ ತೆಗೆಯಬೇಕು.
ಹೀಗೆ ಮಾಡಿದರೆ ರುಚಿಕರವಾದ ಹಾಗೂ ಗರಿ ಗರಿಯಾದ ಜಿಲೇಬಿ ಸವಿಯಲು ಸಿದ್ಧ.